ਤੂੰ
ਜੋ ਅਾਈਂ ਹੈਂ
ਮੇਰੀ ਨਿਜ਼ਾਤ ਨੂੰ
ਰਹਿਣ ਦੇ
ਇਹ ਕੋਸ਼ਿਸ਼ ਨਾ ਕਰ
ਇਹ ਜੰਜ਼ੀਰਾਂ
ਇਹ ਸਲਾਖਾਂ
ਇਹ ਸਲਾਭੀਆਂ ਕੰਧਾਂ
ਇਹ ਠੰਡਾ ਖੁਰਦਰਾ ਫਰਸ਼
ਇਹ ਨੀਮ ਹਨੇਰਾ
ਇਹ ਕੈਦਖਾਨਾ
ਮੇਰਾ ਹੀ ਵਿਸਥਾਰ ਹੈ
ਇਹ ਮੈਂ ਹੀ ਹਾਂ
ਓਹ ਆਜ਼ਾਦ ਹਵਾਵਾਂ
ਓਹ ਤੇਜ਼ ਰੌਸ਼ਨੀ
ਬੇੜੀਆਂ ਤੋਂ ਸੱਖਣੇ ਪੈਰ
ਨਹੀਂ
ਮੈਂ ਨਹੀਂ ਜੀ ਸਕਦਾ
ਅੰਨਾ ਹੋ ਜਾਵਾਂਗਾ
ਲੱਭਾਂਗਾ ਕੋਈ ਸਹਾਰਾ
ਤੁਰਨ ਲਈ
ਲਰਜ਼ ਉਠੇਗਾ ਮੇਰਾ ਵਜੂਦ
ਇੰਜ ਨਾ ਕਰ
ਵਾਪਸ ਮੁੜ ਜਾ
ਆਪਣੀ ਦੁਨੀਆਂ ਵਿੱਚ
ਮੈਂ
ਅਜੇ ਜੀਣਾ ਹੈ
ਕੁਝ ਹੋਰ ਸਮਾਂ
ਆਪਣੀ ਕੈਦ ਵਿੱਚ
ਜਗਜੀਤ ਕਾਫਿਰ
Jagjit Kaafir
