ਭਟਕਣ

ਉੱਮੀਦ
ਇਹੋ ਤਾਂ ਚਾਹੀਦੀ ਹੈ
ਜਿਉਣ ਲਈ
ਕੁਝ ਕਰਨ ਲਈ
ਇਹ ਸਜਦੇ ਇਹ ਇਬਾਤਤਾਂ
ਇਹ ਮੁਹਬੱਤਾਂ
ਜ਼ਰੀਆ ਹੀ ਤਾਂ ਨੇ
ਖੁਦੀ ਨੂੰ ਪਰਚਾਉਣ ਦੇ
ਰੋਸ਼ਨੀ
ਜੋ ਸੁਨੇਹਾ ਏ
ਰੂਹ ਨੂੰ ਅਰੂਹ ਦਾ
ਤਾਰੀਕੀਆਂ ਦੇ ਅੰਤ ਦਾ
ਸਭ ਖਿਆਲ ਨੇ
ਇਹ ਰਮਜ਼ ਜਾਣਦਾ ਹਾਂ
ਲਫ਼ਜ਼ਾਂ ਦੀ ਖੇਡ ਵਿਚ
ਮਾਹਿਰ ਹਾਂ ਕਾਫਿਰ
ਆਪੇ ਨੂੰ ਭਰਮਾਉਣ ਲਈ
ਕੋਈ ਸ਼ਬਦ ਜਾਲ ਦੱਸ
ਮੇਰੀ ਬੇਚੈਨੀਆਂ ਦਾ
ਕੋਈ ਇਲਾਜ਼ ਦੱਸ
ਬੇਅਰਥ ਨੇ ਮੁਕਾਮ
ਦੌਲਤ ਦੇ ਸ਼ੋਹਰਤਾਂ ਦੇ
ਸੁਰਖਰੂ ਹੋ ਜਾਵਾਂ
ਨਫਸਾਂ ਦੇ ਬੋਝ ਤੋਂ
ਜੇ ਹੋ ਸਕੇ ਖੁਦਾਯਾ
ਅਜੇਹੀ ਤਲਾਸ਼ ਦੱਸ